हेटौंडा, २१ जेठ। अडियो र वेयरेबल ब्रान्ड अल्टिमा लाइफस्टाइलले आज (जेठ २१ गते) देखि काठमाडौंको नयाँ बानेश्वरमा आफ्नो तेस्रो आधिकारिक रिटेल स्टोर सञ्चालनमा ल्याएको छ। यससँगै, ब्रान्डले आफ्नो पछिल्लो प्रिमियम स्मार्टवाच, अल्टिमा वाच म्याग्नम ई७०० (E700) पनि सार्वजनिक गरेको छ। दुईवटा उत्सव मनाउन अल्टिमा लाइफस्टाइलले ग्राहकहरूका लागि विशेष इन-स्टोर लन्च अफरहरू पनि घोषणा गरेको छ।
घोषित अफरअनुसार, कुनै पनि आधिकारिक अल्टिमा आउटलेटमा रु. ५,९९९ खर्च गर्ने ग्राहकले नि:शुल्क अल्टिमा एटम १९२ (रु. २,४९९ मूल्यको) प्राप्त गर्नेछन्। त्यसैगरी, रु. ७,९९९ खर्च गर्ने ग्राहकले नि:शुल्क अल्टिमा मार्वल (रु. ३,४९९ मूल्यको) र रु. ११,९९९ खर्च गर्ने ग्राहकले नि:शुल्क अल्टिमा वाच सर्कल २.० (रु. ५,९९९ मूल्यको) प्राप्त गर्न सक्नेछन्। योसँगै, अल्टिमाको वेबसाइट (Ultima.com.np), आधिकारिक स्टोरहरू र दराजमार्फत नयाँ अल्टिमा वाच म्याग्नम ई७०० खरिद गर्ने ग्राहकहरूले रु. १,४९९ को नि:शुल्क स्टेनलेस स्टील स्ट्र्याप प्राप्त गर्नेछन्।
कम्पनीका अनुसार, म्याग्नम ई७०० अल्टिमाको अहिलेसम्मको सबैभन्दा प्रिमियम स्मार्टवाच हो। यसमा जीवन्त ३६.३३ एमएमको ट्रु एमोलेड (TRU AMOLED) डिस्प्ले, अटो हेल्थ ट्र्याकिङ, सिमलेस अल्टिमा फिट एप समर्थन, र शक्तिशाली ३९० एमएएच ब्याट्री रहेको छ। यो ब्याट्रीले ७-९ दिनसम्मको नियमित प्रयोग र ३० दिनसम्मको स्ट्यान्डबाइ प्रदान गर्दछ।
म्याग्नम ई७०० मा प्रिमियम लेदर बेल्टसँग जोडिएको चिल्लो स्टेनलेस स्टील फ्रेम रहेको छ, जसले दैनिक पहिरनका लागि सुरक्षित र आरामदायी फिट प्रदान गर्दछ। यसमा एडभान्स अटो हेल्थ डिटेक्सन फिचर पनि सुसज्जित छ, जसले दिनभरि मुटुको दर, ब्लड अक्सिजन (SpO2), र निद्राको ढाँचा जस्ता महत्त्वपूर्ण मेट्रिक्सहरू निरन्तर निगरानी गर्दछ। अल्टिमा फिट एपसँग पूर्ण अनुकूलता प्रदान गर्दै यो स्मार्टवाचले प्रयोगकर्ताहरूलाई स्मार्टफोनबाटै वाच फेस कस्टमाइजेसन गर्न, सेटिङहरू समायोजन गर्न, स्वास्थ्य डाटा ट्र्याक गर्न र स्मार्ट नोटिफिकेसनहरू प्राप्त गर्न सक्षम बनाउँछ। यो एप एन्ड्रोइड ५.० वा सोभन्दा माथिका र आईओएस ११.० वा सोभन्दा माथिका दुवै प्लेटफर्ममा उपलब्ध छ।
कम्पनीका अनुसार, अल्टिमा म्याग्नम ई७०० आज (जुन ५) देखि अल्टिमाको आधिकारिक वेबसाइट, पुल्चोक, पुतलीसडक र नयाँ बानेश्वरमा रहेको अल्टिमाको स्टोरमा रु. ४,९९९ को विशेष सुरुवात मूल्यमा खरिदका लागि उपलब्ध हुनेछ। यी स्थानहरू बाहेक ग्राहकहरूले दराज, खल्ती, जेभी, हुकुट, ब्रदरमार्ट, नियो स्टोर र अन्य खुद्रा पसलहरूबाट पनि उत्पादन खरिद गर्न सकिने कम्पनीले जनाएको छ।
